Guth Ghoill, Eagrán 23

Eagrán 23 Samhain. 2008 5 a bhí faoina cúram san am sin agus is mór an meas a bhí acu uirthi. Bhí suim mhór aici i stair an cheantair agus í iontach eolach ar ainmneacha na mbláthanna fíane agus ar achan rud a bhain leis an dúlra. Bhí stór mór de sheanfhocla aici a d ’ fhoghlaim sí ar scoil. Is mór an chailliúint dúinn uilig a bás. Ba sa teach céanna seo a raibh cónaí ar Phaidí Bhrianaí, a bhean Sus Ní Dhochartaigh, agus Micheál, Nóirín agus Brian. Báitheadh Micheál amach ó Cheann Mhálainne ar Lá Fhéile Naomh Colmcille, an 9ú lá de Mheitheamh 1987. Is faire gan chorp a bhí againn dó mar nach bhfuarthas a chorp ariamh. Beidh a cuid féin ag an fharraige is dóiche. Tá Nóirín i mBaile na Deora i rith an ama agus tá Brian ina chónaí in Inbhear Náille. Sin agaibh anois turas agus tuairisc ar Bhaile na Deora. Is iomaí deor a sileadh agus gáire a rinneadh ar an bhaile chéanna. Leanfaidh muid an lóchrann A las ár sinsear romhainn, Is ní heagal linn go bhfeodhfaidh A gcró ’ nár ndiaidh. Buíochas do Phaidí Mac Aoidh, Mhicheál Ó Dochartaigh, Brian Mac Lochlainn, Cormac Goulding agus Annie Bhrianaí (RIP) a chuidigh liom an giota seo a chur le chéile. Maireann an scéal ach ní mhaireann an scéalaí. Ó tosaíodh ar an scéal seo a scríobh tá triúr acu imithe ar shlí na firinne, Annie Bhrianaí, Fanny Bheag agus Maire Thuathail. Leaba i measc na naomh go raibh acu. Nóirín Goulding. Mícheál, Bernard, Nóirín agus Paidí Bhrianaí Tabhair faoi deara gur ar dhréimire atá an curach ‘ na shuí. Annie Bhrianaí ag teacht le chéile Scoil Mhíobhaigh, 2006 Neil Cullen agus Paidí Bhrianaí Sean agus Óg Maire Thuathail Stiofáin agus Orla Goulding Lá Nollag, 2005.