Guth Ghoill, Eagrán 57

Eagrán 57 Nollaig 2017 23 Ba ghnách leis ruaig a thabhairt suas go dtí an hut ar Chnoc Ghort na Luchóg cuid mhaith lae- thanta i ndiaidh am scoile. Lean an coimhead ar aghaidh thuas sa hut na ceithre uaire fichid, i sealanna ocht n - uaire. Ba ghnách leis a dhul suas go minic i ndiaidh am scoile agus chuir sé aithne mhaith,de réir a chéile, ar na fir a bhí ag faire: John Rua Phádraig Den (Mac Laifeartaigh) as Dumhaigh, beirt de mhuintir Mhícheáil, sin clann Mhic Pháidín as Dumhaigh, Mánas Eoin ( Mac Giolla Chearra) as Dumhaigh, duine de mhuintir Neaty Nellie as Doire a ’ Chasáin, Eoin Eoin Mhór ( Mac Giolla Chearra) as an Ard Bhán, Micí Nead Ruaidhrí ( Ó Gallchóir), Doire a ’ Chasáin, Charlie Willie Fhearghail, ( Mac Pháidín) as na Dúnaibh, Micí Sophie Mac Giolla Bhríde as na Dúnaibh agus Antoin Duffy as Ros na Binne. Ba sin an Eoin Eoin Mhór a chuaigh ar iarraidh i lár na seascaidí agus nach bhfuarthas tásc ná tuairisc air ariamh ina dhiaidh sin, agus dár ndóigh ba sin an Micí Sophie, athair Antoin a raibh an teach tabhairne aige sna Dúnaibh, ‘ Tramore House ’. Bhí Telescope thar a bheith láidir agus cumhachtach sa teach faire agus d ’ fheicfeá longa móra amuigh ag íor na spéire. Ba seo an treo a mbíodh na longa móra ag dul agus iad ar a mbealach go Meiriceá nó go Ceanada. Dá mbeadh fear inteacht ag dul go Meiriceá a mbeadh aithne agat air bhí an gloinne chomh láidir sin go bpiocfá amach é ar an long dá mbeadh sé amuigh ar an deic. Níor chuimhin leis go bhfaca siad rud ar bith as an ghnách ariamh An Hut ar Chnoc Ghort na Luchóg