Guth Ghoill, Eagrán 63

Eagrán 63 Lúnasa 2019 2 CLÁR Coirnéal Nan 2 Nuachtáin Ghaeilge & Léamh na Gaeilge 7 An Fómhar 12 Comórtas Peile na Gaeltachta 2019 15 Brú an Óige Thrá na Rossan 20 Campaí Samhraidh Gaeilge Chéim Aniar 23 á sé mar nós agamsa ar na laethanta seo, nuair atá an tráthnóna maith, sos a ghlacadh ar sheanbhinse adhmaid ar chúl a ’ tí. Suím ansin ar mo shuaimhneas ag amharc amach ar an Mhaol Ruaidh. Sin radharc nach n - éireofá tuirseach de a choíche, mar dár ndóighe chan an radharc céanna a bhíonn ann dhá lá i ndiaidh a chéile. An chuid is mó den am bíonn tionchar de shórt éigin ag an ghaoth ar chruth na Maoile Ruaidhe, ba chuma cad é chomh lag is a bheadh an séideán. Ach, anois is arís tagann tráthnóna deas brothallach gan smid gaoithe is luíonn an t - uisce go réidh cothrom, gan bogadh de shórt ar bith. Sin na tráthnónta is fearr liomsa. Tá cuibhreann idir cúl tí s ’ againne agus an Mhaol Ruaidh agus níl a dhath níos deise na bó nó dhó a bheith ina luí ar an fhéar ghlas is iad ag cogaint na círe is