Fáilte chuig an Taisclann

Is taisclann dhigiteach í seo ina bhfaighfear cnuasach d’ábhar foilsithe agus neamhfhoilsithe a bhaineann le Gaeltacht Dhún na nGall ach go háirithe. I measc na nithe a mbeidh teacht ag an phobal orthu ar an láithreán seo beidh nuachtáin agus irisí áitiúla; leabhair agus leabhráin; bróisiúir agus treoirleabhair; paimfléid agus bileoga eolais; mar aon le lámhscríbhinní agus litreacha a cruthaíodh le corradh agus céad bliain anuas.

Tá obair leanúnach ar siúl faoi láthair ar an taisclann dhigiteach seo agus beifear ag cur ábhar cuí léi de réir a chéile sna míonna beaga atá amach romhainn. Má tá aon ábhar spéisiúil i do sheilbh féin nár mhiste leat a roinnt agus a chur ar fáil don phobal, téigh i dteagmháil linn trí ríomhphost a sheoladh chuig modomhnaill(ag)oegaillimh.ie nó trí ghlaoch a chur ar (074) 9531919.

Mar eolas:

Beidh obair chothabhála agus uasdátaithe ar siúl ar an suíomh seo ar bhonn rialta sna míonna beaga atá amach romhainn de bharr go mbeifear ag cur taifeadtaí úra fuaime agus meascán d’ábhair eile leis. D’fhéadfadh a leithéid fadhbanna beaga nascleanúna nó eile a thabhairt chun tosaigh ar uairibh. Ba mhaith linn ár leithscéal a ghabháil libh má chuirtear as daoibh ar bhealach ar bith ach b’fhearr linn an suíomh a choinneáil beo ar líne chun go mbeifí in ann é a úsáid le linn na hoibre seo.

Regular maintenance and upgrade work will be carried out on this website over the next few months as new audio recordings and a selection of other items will be added. Problems navigating around the site could arise on occasion during this time. We therefore would like to apologise if you are inconvenienced in any way whilst using the site over the next while, but we would prefer to keep the website online during this maintenance period so as to allow continuous access to it.